يامستريح البال

يا مستريح البال


يا مريّح شجونك انا بت سهران

ما جاني ردك طال و الله غيابك

غافي ولا تدري انا كم ولهان
شيّبت راسي يحفظ الله شبابك

تعال مرّه بعدها يكون ما كان
عطشان يطلب رشفةٍ من شرابك

احكم بعدل و اوزن الحب بميزان
لو كانت الاسباب بسبّة جنابك

راضي مسامح معترف اني غلطان
مفتوح قلبي لك و يا مرحبا بك

صابر و بصبر و الصبر صار عنوان
للي تولّع في حضورك غيابك

بسّر لك شي ولو كان باعلان
و الرمز ذا (سومه) و احسب حسابك

ما حد يفسر سرنا من بني الانسان
لانه خصوصي / ذكريات بكتابك

ما را ح ما يعود و لي ياي ما كان
و الله أعلم في خفيّات ما بك

يبقى دواي بغيبتك نعمة النسيان
و الحمد لله و العذر من جنابك

وســـلامتكم ..

يسلموووووووووووووو
ع الطررررررررررررررح


الغااااااوي ولاعدمنااااج


وصح لسانج