:: إلا هنـدي .؟! ::

لمهم انا طرى علي موضوع يوم تذكرت سالفة وحده الله يستر عليها
عاد الله يسلمكم هاذي البنت هي ورفيجتها ركبو مصعد وعاد كان في المصعد ريال عاد البنت طاحت شيلتها بالغلط بس عاد ما تغطت بعدين عاد رفيجتها قالت لها: تغطي عاد تدرون شو ردت البنت؟؟؟
قالت: الا هندي.....
ولين طلع الريال قالها : ليش الهنود مهب رياييل ...
طلع الريال قطري وصار ويه البنت صج بليته..

ومو بس هالبنت في غيرها وايد ما يتغطون من هنود في مدرسه في سوق حتى عند الدريول وزراع ولا طباخ لا ادخلو البنت عادي جنه محرم عندهم ولين قلنا لهم تغطوا قالو الا هندي ولا الا دريول .. ليش الهندي حلال عليه ولا هو مهب ريال مثل خلق الله

فحبيت اناقش هالقضيه اللي وايد تصير عندنا ومشكله مو بس البنت الصغيره يمكن نقول عنها جاهل حتى المتزوجات العاقلات المشكله الاهل عادي يدرون والله هاذي اللي يسمونه تخلف ونقص عقل...

وانتم يا اعضاء المنتدى شرايكم بهسالفه؟؟؟

انتظر ردودكم



" منقول " ..